Os axentes de Conservación interésanse polas charcas

O venres 24 de outubro celébrase na Coruña o IV Curso de formación para inspección de Charcas, organizado pola Asociación Ecoloxista ADEGA enmarcado no seu proxecto Charcas con Vida en colaboración co Servizo provincial de Conservación da Natureza da Xunta de Galicia.

Charcas con Vida é unha iniciativa de ADEGA que ten como obxectivo poñer en valor as Charcas para contibuir ao seu coñecemento, estudo e conservación.

Crónica do campo de voluntariado na illa de Sálvora

O pasado fin de semana 12 persoas participaron no campo de voluntariado ambiental para recuperación de charcas na illa de Sálvora. A actividade foi organizada pola asociación ecoloxista ADEGA xunto co Parque Nacional das Illas Atlánticas de Galicia, dentro das actividades do proxecto Charcas con Vida.  FOTOS DO CAMPO

Campo de Voluntariado para recuperación de charcas

A iniciativa de ADEGA Charcas con Vida convoca xunto co Parque Nacional das Illas Atlánticas de Galicia un novo campo de voluntariado ambiental que se celebrará os días 10, 11 e 12 de outubro. O lugar escollido para esta nova actuación é a illa de Sálvora no Parque Nacional Marítimo Terrestre.

No Parque Nacional podemos atopar tres especies de anfibios o pintafontes (Lissotriton boscai), o sapiño pinto (Discoglosus galgonai), e a píntega común (Salamandra salamandra), poboacións todas elas de especial interese, catalogadas como vulnerables, e que contan con diferenzas significativas con respecto ás poboacións costeiras e peninsulares. Na illa de Sálvora atópanse só dúas especies: o sapiño pinto e o pintafontes.

Máis de 30 persoas recuperan unha poza de rega

Un grupo de persoas voluntarias da Asociación de Montaña Arnau en colaboración co proxecto Charcas con Vida acudiron ao pequeno pobo da Regada (Lobios, Ourense) para participar nunha acción de voluntariado ambiental. O obxectivo desta actividade foi recuperar unha antiga poza de rega abandonada fai anos.    Podes ver as fotos da xornada

Xornada de Voluntariado en Lobios

A iniciativa de ADEGA Charcas con Vida convoca unha nova xornada de voluntariado ambiental que se celebrará o sábado 5 de xullo. O lugar escollido para esta nova actuación será o pequeno pobo da Regada (Lobios) ao pé do Parque Natural do Xurés.

Desta volta ADEGA colabora coa Asociación Arnau, que ten o seu ámbito de actuación na zona de influencia do Parque Natural do Xurés. A actividade programada céntrase na recuperación mediante labores de limpeza e retirada de sedimento dunha antiga poza de rega no pobo da Regada.

Os axentes de conservación interésanse polas Charcas

 

O martes 10 de xuño celébrase en Lugo o III Curso de formación para inspección de Charcas, organizado pola Asociación Ecoloxista ADEGAenmarcado no seu proxecto Charcas con Vida en colaboración co Servizo provincial de Conservación da Natureza da Xunta de Galicia.

Construíndo unha charca

O pasado mércores o equipo de Charcas con Vida creou unha charca no IES Pontepedriña de Santiago de Compostela.

O obxectivo é que o alumnado poida estudar o proceso de colonización do pequeno humidal, mediante inspecións periódicas.

Podedes ver a creación da charca co video elaborado polo propio centro. 

Xornada de Voluntariado para creación de charcas

Charcas con Vida convoca unha nova xornada de voluntariado ambiental que se celebrará o xoves 8 de maio. O lugar escollido para esta nova actuación será a Reserva da Biosfera de Allariz, concretamente no Centro de Educación Ambiental O Rexo, onde realizaremos a construción dunha charca. As charcas ou pozas son pequenos pero importantes espazos para a conservación da biodiversidade, e tamén un importante recurso didáctico para a educación ambiental.

Manual de construción de Charcas

Charcas con Vida edita o manual de construción e recuperación de pequenas charcas. O obxectivo deste manual é promover iniciativas de restauración de pequenas masas de auga e a creación doutras novas para  contribuír a conservación destas e da biodiversidade que acollen.  

A edición deste manual dá a coñecer diferentes actuacións que dende o proxecto Charcas con Vida se desenvolveron nestes ámbito durante o pasado ano 2013, nomeadamente as realizadas no marco da axuda da Fundación Biodiversidad en colaboración con outras moitas entidades.  

Restauración da charca na UDC

O pasado mércores 19 de marzo, enmarcada nas actividades  coordinadas pola Oficina de Medio Ambiente (OMA) da Universidade da Coruña (UDC), desenvolveuse a restauración da Charca. A charca da UDC creouse en abril de 2013, tamén noutra das actividades de voluntariado organizadas pola OMA en colaboración con Charcas con Vida.  FOTOS DA XORNADA