Mes: Maio 2015

 ADEGA acolleu na semana do 20-26 de abril a un técnico de custodia do territorio, Xavi Alifonso, da Associació Picampall de Cataluña para a súa capacitación coñecendo a iniciativa “Charcas con Vida”. A súa visita enmarcábase na no proxecto Tecendo redes que durante o 2014-2015 ten o obxecto de de difundir as boas prácticas de traballo e desenvolvemento social e institucional da custodia do territorio entre as diferentes redes e entidades de custodia do Estado.   É unha iniciativa promovida polo Foro Estatal de Entidades de Custodia do Territorio e a Xarxa de Custodia del Territori.

FOTOS DA VISITA

O pasado 25 de abril 11 persoas participaron na xornada de voluntariado organizada por Charcas con Vida para recuperar unha antiga poza de rega no lugar de Sabarís, Campañó (Pontevedra). 

FOTOS da XORNADA

A poza localízase nunha finca privada,  por iso para esta actuación ADEGA asinou un acordo de custodia do territorio coa súa propietaria. ADEGA comprometeuse mediante este acordo a recuperar a antiga poza e realizar labores de seguemento e mellora cando foran precisos. Pola súa banda a propietaria comprométese a manter a poza e explotar dita finca dun xeito sostible.

O pasado 25 de abril conmemorando a celebración mundial do Save the Frogs Day, ADEGA xunto coa Sociedade Herpetolóxica Española (AHE) e a Sociedade Galega de Historia Natural (SGHN) editaron un protocolo sobre a recente problemática das Enfermidades Infecciosas Emerxentes (EIE) en anfibios, presentouse nunha xornada divulgativa para todos os públicos á que asistiron máis de 30 persoas.